Sonneblomme begin posvat in die Oos-Kaap
Die Oos-Kaap is nie sonneblomwêreld nie, mielies dra daar die kroon. Boere is egter altyd op die uitkyk vir nuwe geleenthede, en met sy laer produksiekoste word sonneblomme toenemend as ’n goeie wisselbou-opsie gesien. Dít selfs in ’n provinsie waar sonneblomme nog nie voorheen as voorranggewas posgevat het nie.
“Hoë oliesaadpryse maak sonneblomme ook toenemend aanloklik vir boere,” sê mnr. Eugene Marais van SeedPlus, Pannar-agent vir die Noordoos-Kaap.
Nie dat jy ’n sonneblomboer agter elke bos in die Oos-Kaap gaan uitskop nie. In die 2021-’22-seisoen het slegs tien boere daar sonneblomme geplant nadat die eerste proefaanplantings in 2018 by twee boere gedoen is. Aanplantings is tans beperk tot Elliot, Ugie en Maclear wat tradisioneel hoëpotensiaal-saaigebiede is.
Marais sê daar word na raming 2 000-2
