Op die spoor van die Kaap se luiperds
Sedert September 2021 het ’n bakkie, geborg deur die Ford-natuurlewestigting en met ’n Cape Leopard Trust- (CLT) plakker op die voordeur, reeds meer as 20 000 kilometer deur die Wes-Kaap afgelê.
Agter die stuur was aanvanklik net Eugene Greyling, maar deesdae ook Jeanne van Tonder. Albei is meestersgraadstudente in bewaringsekologie aan die Universiteit Stellenbosch. Hul nagraadse studie word deur die CLT ondersteun.
Teen April vanjaar het hulle reeds byna 200 onderhoude met van grondeienaars en bewaringslui tot veldgidse reg oor die Wes-Kaap gevoer.
