Tegnologie sonder remme
Plante met digitale tweelinge, boerdery op Mars en 3D-drukwerk van vrugte in winkels volgens ’n klant se spesifieke kultivar-, kleur- en suikerinhoudbehoeftes. Dít is van die tegnologiese ontwikkelinge wat landboutegnologie-kenners in Suid-Afrika oor die volgende 30 jaar sien vorm aanneem.
Tydens ’n Beanstalk.Global-webinaar oor landboutegnologie in Suid-Afrika het mnre. Alastair Smith, uitvoerende hoof van varsproduktemarkte by Khula! App, en Greg Whitaker, uitvoerende hoof van AgrigateOne, gesê Suid-Afrikaanse varsprodukteboere – veral dié wat op die uitvoermark toegespits is – is die res van die wêreld voor op sekere gebiede wat landboutegnologie betref.
“Suid-Afrikaners hou van planne beraam en wil nie staatmaak op sekere infrastruktuur nie. Veral as jy na pakskuurstelsels, slim sorteringstelsels en IoT (die internet van dinge) kyk, dink ek ons is voor die kurwe,” het Whitaker gesê.
“Dit is ’n eienskap van Suid-Afrikaanse boere om planmakers te wees. Deesdae sien ons ’n
