BESKUIT NES OUMA S’N

DIT was hier iewers in Mei verlede jaar toe die skrywer en fliekkenner Leon van Nierop in sy tuiskantoor voor sy rekenaar sit en swoeg met die laaste hoofstuk van sy jongste spanningsverhaal.

Hy was bedruk en mismoedig, want die slotgedeelte wou net nie werk nie, en hy het sy uitgewer al ’n paar dae tevore gebel en gesê hy sukkel, want hy “kry nie die einde nie”.

Maar toe kom Leon (69) se lewensmaat van die afgelope ses jaar, Werner Klopper (40), by die trap opgestap en bied hom ’n stukkie beskuit op ’n piering aan. Verbaas vat Leon ’n happie en sê: “Sjoe, dis lekker! Waar het jy dit gekoop?”