GELEENTHEDE IN DIE ONSEKERHEID
Die meeste Suid-Afrikaanse groenteboere is vanjaar oorgehaal vir goeie produksie-omstandighede. Bykans alle winterreënstreke het normale tot bonormale reën gehad en die somerreënstreke kry ook goeie reën. As dit egter aanhou reën, kan probleme ontstaan.
Vir mnr. CT van der Merwe, uitvoerende hoof van AL3 in Limpopo en voorsitter van die noordelike uiekomitee, kom daar onsekerheid saam met die voorspoed, veral ná die wisselvalligheid van pryse op die varsproduktemarkte die afgelope jaar.
“Ons weet nie regtig wat om vanjaar te verwag ná ’n baie moeilike 2021 nie. Die boere met laat uie-aanplantings (in Limpopo) het baie swak pryse gekry. Daar is tekens dat die ekonomie onder druk
