LOGISTIEK VRUGTEBOERE SE GROOTSTE KOPSEER

Vanjaar se grootste struikelblok vir die sitrusbedr yf gaan logistiek wees, sê mnr. Justin Chadwick, uitvoerende bestuurder van die Suid-Afrikaanse sitruskwekersvereniging (SKV). Dieselfde geld avokado’s en ander uitvoervrugtebedrywe.

Dis nie net Suid-Afrika se hawens wat uitvoer bemoeilik nie, maar ook binnelandse infrastruktuur. “Ons wil ’n groot deel van die padvervoer oorskuif na spoorvervoer toe. Dit sal baie help om die druk op die padnetwerk te verlig en ook om die bedryf te verskans teen padversperrings tydens protesoptrede soos wat ons in Julie verlede jaar gesien het,” sê Chadwick.

Hy sê die SKV het dit ten doel om uiteindelik 15 000 vraghouers sitrus spoorlangs van die binneland af na Suid-Afrikaanse hawens te vervoer. Dit gaan nie maklik wees nie,