DIE OOM WAT NIE KON MISSKIET NIE
ontmoet die oom op ’n skietbaan in die digte oewerbos langs die Baviaansrivier in die Oos-Kaap. Hy is deel van ’n korporatiewe jaggroep en wil net gou sy roer instel voordat hy ’n paar bokke plattrek. Die oom haal uit ’n deftige sebravelgeweersak ’n netjiese Mauseraksiejaggeweer met een van daardie ou Duitse-tipe kolwe, wat ’n tandestokkiedun voorlaai en te veel val by die hak van die kolf het om gemaklik met ’n teleskoop te kan skiet. Ek merk op die blou Sako-patroonboksie, wat hy versigtig op die skietbank neersit, dat die kaliber .30-06 is. Die teleskoop is afkomstig uit Oostenryk. Die
