Die Suid-Afrikaanse jag-en skietkultuur kom al honderde jare saam met ons en is grootliks op ons voorgeslagte se lewenswyse as boere en jagters geskoei. Die behoud van hierdie kultuur is onder geweldige druk van antijag-en diereregtegroepe, tesame met die byna onstuitbare aanslag van moderne tegnologie op ons kinders. Selfone, rekenaarspeletjies en dies meer is baie aantreklike afleidings vir kinders en beroof hulle van tyd in die buitelug en veld. ’n Goeie manier om dié aanslag teen te staan, is om ons kinders te leer skiet en natuurlik ook te leer jag!
Om ’n kind op die regte skiet-en jagpad te stuur is egter nie altyd so eenvoudig nie; dit verg voorbereiding, dinkwerk en beplanning. Boonop is daar ander aspekte wat oorweeg moet word, soos die feit dat elke kind uniek is. Dis veral belangrik om ’n kind se uniekheid ten opsigte van die volgende aspekte te verstaan: Elke kind leer teen sy eie pas en verskil wat emosionele volwassenheid en liggaamsbou betref. Verder is daar kinders wat geen of weinige blootstelling aan jag en gewere kry nie. Dis belangrik om al hierdie faktore in ag te neem voordat ’n skietpaadjie met ’n kind geloop word.
LOOP DIE PAD EEN-EEN
Ek glo vas dat hierdie paadjie met ’n