VETTER WEENS ’N OPERASIE

MET haar katoë en hoë wangbene was sy een van die uitblinker-modelle van die 1990’s – en het sy in byna 700 glanstydskrifte verskyn.

Op die kruin van haar loopbaan het Linda Evangelista $25 000 per dag verdien, wat haar een van die winsgewendste gesigte van haar generasie gemaak het.

“Ek sal nie opstaan vir minder as $10 000 per dag nie,” het sy eenkeer gesê.

Karl Lagerfeld van Chanel het haar as die beste in die bedryf beskryf. “Sy is doodeenvoudig ’n ware model. Sy gee nie voor om enigiets anders te doen nie. Sy is net skitterend in wat sy doen,” het hy gesê.

Sy was een van die groot ses wat die loopplanke