ARENDSVLEI HET TROUKOORS
IN ’N spitsdakkapel onder die lowergroen eike staan die paartjie gereed om trou aan mekaar te beloof. Albei is deftig uitgevat in ’n snyerspak, want dit is ’n troue soos geen ander al in Arendsvlei nie.
Eindelik het die oomblik aangebreek waarop kykers lank gewag het – dat Lee-Roy Foster (Roberto Kyle) en Wesley Rossouw (Craig Adriaanse) die eerste gay paartjie word wat in dié kykNET&kietelenovelle afhaak.
Die televisietroue wat pas uitgesaai is, was nie net ’n onvergeetlik oomblik vir Arendsvlei se kykers nie, dit was ook ’n besonderse ervaring vir die twee akteurs.
Roberto kon uit die staanspoor met sy karakter identifiseer. “Ek sien myself as ’n gay man, en ongelukkig het ek
