GERT-JOHAN COETZEE EN MANLIEF VICKY: OP SKEI, MAAR ONS BLY PELLE
IN DIE Johannesburgse spoghuis met sy stylvolle meubels en duur kunswerke speel ’n antieke draadloos klassieke klanke terwyl die kamera klikklik-klik om die glimlaggende mans op foto’s vas te vang.
Links van die leefvertrek swem ’n skool koivisse nuuskierig na die oppervlak van die water en buite raas die swembadpomp.
In die hartjie van Linden, hier in die huis van die modeontwerper Gert-Johan Coetzee (33) en sy huweliksmaat, Vicky Visagie (37), lyk dit of niks verander het nie: Die twee terg mekaar steeds terwyl hulle vir die kamera poseer; hulle lag uitbundig vir mekaar se pittige sêgoed – nes hulle die afgelope 17 jaar gedoen het.
Niks dui daarop
