OOR DAAI ‘CALLS’…
SYSTEM is amper so herkenbaar soos dié van ons bekendste rugbykommentators.
Trouens, speel ’n klankgreep van Marius Jonker wat praat, en die kans is goed dat menige Suid-Afrikaanse rugbyliefhebber hom onmiddellik sal eien.
Hy is veronderstel om op die agtergrond te wees: die besadigde, regverdige TV-skeidsregter, oftewel “television match official” (TMO), wat die skeidsregter op die veld bystaan met moeilike beslissings – iets wat hy al in byna 50 toetse gedoen het.
Maar in die onlangse toetsreeks tussen die Springbokke en die Britse en Ierse Leeus was Marius (53) in die spervuur.
Eers het die Leeus-breier, Warren Gatland, voor die eerste toets mond uitgespoel oor Marius, as ’n Suid-Afrikaner, se aanstelling as TV-skeidsregter in die plek van ’n “neutrale” Kiwi-skeidsregter wat hom op
