KOEDOEJAG OP DIE GHAAP SE BERG
“Waar op dees aarde is die Ghaap”, vra ’n vriend my nou die dag toe hy na my jagplanne vir die res van die seisoen verneem. Sy klaarblyklike onkunde oor die Ghaap was te verstane. Min mense weet van hierdie juweel in ons land met sy vriendelike mense, unieke landskap en pragtige jagveld. Die Ghaapplato, of Ghaap se Berg soos die plaaslike mense dit ken, strek rofweg van Griekwastad in die suide tot Kuruman in die noorde en van Postmasburg in die weste tot Daniëlskuil in die ooste.
’N UNIEKE LANDSKAP
Moenie berge verwag nie – die hoogte bo seespieël is maar gemiddeld ’n paar honderd voet bo die res van die omgewing. Die landskap is uniek, met ’n reuse-dolomietfondasie (dink ondergrondse water) en kalksteenklippe en was blykbaar miljoene jare gelede ’n see. Oppervlakwater is skaars, wat gesorg het dat die gebied grootliks onbewoon was tot en met die vroeë 1900’s, toe die sink van boorgate met meer “moderne” tegnologie moontlik gemaak is.
Op sekere gedeeltes is daar “oë” (soos Kuruman se Oog) en baie plekke het panne wat in die somermaande vol reënwater is en dan ’n paar maande later weer heeltemal opdroog. Die meeste van hierdie panne word deur karee- en olyfbome omring,
You’re reading a preview, subscribe to read more.
Start your free 30 days