TRADISIONELE BOË VS KRAGBOË
Baie jagters verkies deesdae om met ’n kragboog bokke plat te trek. Ander jag soms met die boog en ander kere met die geweer. Die kruisboog wen ook al hoe meer veld as ’n jagwapen. Daar is egter baie min jagters wat kans sien om hul prooi met ’n tradisionele boog aan te durf.
Die rede daarvoor is waarskynlik omdat tradisionele boë nie visiere het soos kragboë nie. Met ’n tradisionele boog, wat soms net van hout of ’n kombinasie van hout en veselglaslaminering gemaak is, skiet die jagter instinktief. Daar word op die teiken gefokus en die skut se brein doen die sommetjies. Sonder dat die jagter werklik daarvan bewus is, word die hand verskuif na die regte hoogte en rigting sodat die pyl die kol tref. Om op dié manier akkuraat te skiet verg baie oefening. Daar word dus ook op baie korter afstande met dié wapen gejag as met die meer populêre kragboog.
BOU VAN ’N HOUTBOOG
Ongeveer 16 jaar gelede het ek vir die eerste keer ’n wildebees met ’n houtboog platgetrek. Dié jagtog het plaasgevind net nadat ek ’n houtboog met die hulp