GUN JOUSELF DIE GELEENTHEID
Wanneer die jaar draai, is ons gewoonlik druk besig om al ons eie jagte uit te sorteer en seker te maak dat alles iewers in die begroting en op die kalender pas. Só kyk ons maklik mis dat daar dalk iemand naby aan ons is wat ook graag wil jag of begin jag, maar om die een of ander rede nie kan nie.
As gevestigde jagters put ons soveel uit ons eie jagervarings dat dit amper onmenslik is om te dink ons kon iemand gehelp het om ’n eerste bok te skiet, maar dit nie gedoen het nie. Ons kan dikwels help met die struikelblokke wat in voornemende jagters se pad staan. Soms is dit die gebrek aan ’n jaggeweer, skietbaan of plaas om op te oefen, of ’n jagbestemming. Ander kere is dit bloot ’n gebrek aan kennis wat veroorsaak dat die persoon nie weet waar om te begin nie. Natuurlik is daar ook jagters in hul herfsjare wat vir oulaas ’n bokkie wil gaan plattrek, maar nie meer die fisieke vermoë het om dit alleen te doen nie.
MAAK ’N VERGUNNING
Om vandag ’n jaggeweer, monterings, ’n teleskoop en genoeg ammunisie te koop om aan die gang te kom, beloop ’n aardige bedrag. Ouers wat nie self jag
