REKEN DIÉ LEIER!

Finansies en rekeninge gee baie van ons ’n kopseer, maar dit fassineer Sharonne Adams (47) van Kuilsrivier in die Kaap al van kleins af en vandag is sy een van die mense wat by die ouditeur-generaal na die land se geldsake kyk.

Sharonne is oorspronklik van Buffalo Flats in Oos-Londen.“Dit is ’n eer en ’n humbling ervaring om ons land en ons mense te dien as ’n geoktrooieerde rekenmeester. Dit is werklik wonderlik om deel te wees van die ouditeurgeneraal van Suid-Afrika!”sê sy.

Volgens haar maak die organisasie ’n daadwerklike verskil in die daaglikse lewens van Suid-Afrikaners.“Dis harde werk, maar lonend om te sien hoe veral jong ouditeure groei en ontwikkel en help om die land ’n beter plek te maak. Dis ’n trotse organisasie met standvastige waardes en die organisasie plaas altyd