EINDELIK SPAN HUGO
DIT is maklik om jou te verbeel jy’s op die sprokiesmooi stel van ’n sepietroue. Daar’s die romantiese kapel met sy uitsig oor die Bitourivier, vleilande waar die watervoëls lustig koukus, en die kneusblou berge in die verte waaraan 50 gaste – waaronder talle bekendes onder televisiekykers – hulle nou verwonder.
En getrou aan enige draaiboek trippel die wagtende bruidegom, alombekend as Binnelanders se dr. Tertius Jonker, senuweeagtig rond terwyl hy op sy bruid wag.
Dis egter g’n toneelspel wat maak dat hy sy reeds onberispelike blou pak vir die soveelste keer regtrek nie.
Want die akteur en sanger Reynardt Hugo (34) staan vandag nie in sy bekende sepiekarakter se skoene nie, en die vlinders op sy maag is maar alte werklik. Hy wag al immers meer as ’n dekade lank op hierdie dag.
Die bruid is nou al amper 10 minute laat … Reynardt glip weer na buite, sluit sy oë en haal diep asem. Hy trippel rond asof sy trouskoene hom druk. Alles tot groot vermaak van die gaste hier by die Emily Moon River Lodge naby Plettenbergbaai.
“Is jy bekommerd?” vra een hoorbaar, en almal lag te lekker. “Dink
