KABEL-JASSIE
GROOTTE
■ Pas vir ouderdom 4-5(6-7;8-9; 10-11;12-13) jaar
■ Pas vir borsmaat 61(66;71;76;81) cm
■ Werklike rondommaat 69(74;79; 84;89) cm
■ Volle lengte 54(58;62;66;68) cm
■ Moulengte 16(19;22;24;26) cm
BENODIGDHEDE
LET WEL Die jas op die foto is met Stylecraft Life-dubbeldraad gebrei. Gaan na stylecraft-yarns.co.uk en klik op “international stockist” om jou naaste verskaffer te kry.
■ 3 (3;4;4;5) x 100 g-bolle Stylecraft Life-dubbeldraad in French Blue kleur no. 2447
■ 3,25 mm-en 4 mm-breipenne
■ Kabelpen
■ 7 knope in ’n verskeidenheid helder kleure
■ Tapisserienaald
BREIDRAADINLIGTING
Stylecraft Life-dubbeldraad is ’n veelsydige wolmengsel van 25% wol en 75% akriel en is ’n standaarddubbelbreidraad met 298 m per 100 g-bol. As jy nie dié breidraad kan kry nie, kan jy Stylecraft Special-dubbeldraad gebruik, wat 100% akriel is en beskikbaar is in 100 g-bolle met 295 m per bol. Of jy kan enige dubbelbreidraad van jou keuse gebruik. Dis raadsaam om ’n toetslappie te brei met die breidraad wat jy gekies het om seker te maak die spanning wat hieronder gegee word, is dieselfde.
SPANNING
22 ste en 30 rye = 10 cm oor ks met 4 mm-breipenne.
Aanwysings vir die kleinste grootte word gegee met die groter groottes tussen hakies; waar net een getal gegee word, verwys dit na al
