Die tuistebouer Lennar is eintlik ’n logiese keuse

covid-19 het baie dinge in ons wêreld en lewens verander. Dit was interessant om te sien hoe mense se gedrag verander en hoe dit nie net ons lewenswyse nie, maar ook batepryse en beleggingsoorwegings beïnvloed het. Die afgelope jare het talle Amerikaners uit die groot stede in die noordooste van die land na Florida getrek, waarskynlik minder vanweë die warmer weer as om belastingredes. Hoe dit ook al sy, tydens die pandemie het ’n geskatte 950 mense daagliks na die suide verhuis. Dis egter nie die enigste migrasie nie, want van oor Amerika trek duisende mense uit hul beknopte woonplekke op soek na meer ruimte.

Dit sorg vir strawwe mededinging in die land se behuisingsmark, met talle huise wat teen