DIE EIENDOMS-MARK: VERANDER SAAM MET DIE TYD
woonvoorkeure en werkgewoontes wat deur Covid-19 veroorsaak is, het die eiendomsomgewing verander.
Ons huis is nie meer net ’n woonplek nie; dit het ’n werk-, sosiale en opvoedkundige ruimte geword. Met die vermoë om tuis te werk, is pendeltyd of geografiese ligging skielik nie meer ’n belangrike kwessie nie en mense neem ander besluite oor hoe en waar hulle wil woon.
Kommersiële eiendom ly die ergste onder veranderde patrone. En terwyl wooneiendom nie heeltemal ongedeerd daarvan afgekom het nie, het die veranderinge in ’n mate in die wooneiendommark se guns getel.
Die klem val nou meer as ooit vantevore op die huis. En SA huiskopers hou aan om die gunstige koopomgewing te benut. Verlede jaar se rentekoersverlagings van drie persentasiepunte en die besluit in Mei om die repokoers onveranderd op 3,5% te hou, het ’n aktiewe residensiële mark tot gevolg gehad.
So veilig as wat kan kom?
Die nasionale huisprysinflasie het omgeswaai. Die Pam Golding-wooneiendomindeks toon huisprysgroei van 5,1% vir Junie vanjaar. Dis nogal ’n sterk herstel ná die laagtepunt van 2,4% in Maart 2019 en die eerste keer sedert 2016 dat dit bo 5% is.
“Daar is beslis ’n gevoel dat huisprysgroei aan die beweeg is, en dit beweeg teen of naby inflasie – wat vroeër nie die geval was nie. Dit dui op reële huisprysgroei, teenoor bloot nominale huisprysgroei,” sê dr. Andrew Golding, uitvoerende hoof van Pam Golding Property Group (PGP), aan finweek.
Intussen het die groei
You’re reading a preview, subscribe to read more.
Start your free 30 days