KOEBAAI, HALLO, 2020, 2021!
CANTONA JAMES (22)
Dit was ’n jaar vol lof vir dié Kaapse akteur. Hy is as die beste opkomende kunstenaar by die kykNET Fiësta-prysaand aangewys én is vir ’n Royalty Soapie-prys benoem vir beste nuweling vir sy rol as Daniel Lefras in Arendsvlei. En dis nie al nie. Cantona, wat drama aan die Universiteit Stellenbosch studeer het, het ook ’n Fleur du Cap-prys vir die belowendste student gewen.
Wat was die beste Dat ek drie benoemings in een jaar gekry het – vir teater, akademie en TV. Dit laat my besef ek is goed genoeg om in die bedryf te bly en maak my minder senuweeagtig oor die toekoms van my loopbaan.
