EEU VAN ELLENDE
Vroeg in 2020 het mense oor die hele wêreld kennis geneem van ’n splinternuwe virussiekte wat soos ’n veldbrand begin versprei het, almal se lewens ontwrig het en oral ekonomiese chaos veroorsaak het.
Dit het teen die einde van 2019 begin toe mense in Wuhan, China, begin siek word met simptome baie soos dié van griep. In Januarie 2020 reik die Wêreldgesondheidsorganisasie (WGO) waarskuwings uit oor ’n coronavirus-infeksie wat baie aansteeklik is en dodelik kan wees vir sommige mense. Die virus, wat Coronavirus Disease-19 genoem word, of kortweg Covid-19, versprei vinnig oor die hele wêreld. Dit begin in China, en beweeg toe na Europa en Noord- en Suid-Amerika en
