VASTRAP VIR VIER

LAND ROVER DEFENDER 110 D240 S

In 1948 is die eerste Land Rover op die Amsterdam-motorskou bekend gestel. Só is gestalte gegee aan ontelbare avonture en ’n leërskare van lojale ondersteuners wat hom telkens sy sondes vergewe. Oor dekades is hierdie “90” of “Defender” telkens vernuwe, maar in wese het hy dieselfde gebly.

Vanjaar, 72 jaar later, het sy plaasvervanger in Suid-Afrika geland. Dit is onvermydelik dat hy baie van sy voorganger, wat kort ná die Tweede Wêreldoorlog gebore is, sal verskil – omtrent soveel soos ’n Spitfire van ’n Saab JAS 39 Gripen.

Elke boer weet ’n verbruiker is ’n veeleisende skepsel. Hy wil ’n groot appel hê, organies verbou, sonder vlekke of merke. En as daar geen saad of stronk is nie, nóg beter. Wat veldvoertuie betref,