‘Strenger inperking’ as infeksies sou styg
Ondanks sterk aanduidings dat ’n “tweede golf” van Covid-19-infeksies heelwat minder dodelik is waar ook al dit wêreldwyd voorkom, beplan die Suid-Afrikaanse regering steeds om strenger inperkings in te stel as infeksiekoerse weer hier sou begin styg.
Prof. Salim Abdool Karim, voorsitter van die ministeriële advieskomitee (MAK) oor Covid-19, het Vrydagaand aan Rapport gesê die regering beoog egter om ’n meer “plaaslike” inperkingstrategie te volg. “Ons is besig met die samestelling van taakspanne op distriksvlak om seker te maak dat ons die verspreiding van die virus vinnig kan bespeur,” sê Karim.
