Blaaskans vir SA
Pres. Cyril Ramaphosa het gisteraand voor intense druk geswig en die omstrede verbod op drank en tabak opgehef – ten spyte van sterk teenstand van lede van sy eie kabinet.
Die president sê die verslapping van die inperkingsmaatreëls van vlak 3 na vlak 2 is moontlik gemaak deur ’n afname in die getal nuwe Covid-19-infeksies en sterftes en die feit dat verskeie provinsies klaarblyklik verby die hoogtepunt van infeksies is. Die vlak 2-maatreëls tree om middernag Dinsdagoggend in werking.
“Ek praat vanaand met julle te midde van tekens van hoop,” het die president gesê.
“Die getal bevestigde nuwe gevalle van infeksies het gedaal van ’n piek
