Pret met pannekoek

KARRINGMELKPLAATKOEKIES MET DALGONAKOFFIEMOUSSE

Ons rond hierdie lekkerny af met ’n prettige sosialemediatrend genaamd dalgonakoffie – ’n donsige en maklike koffiemousse.

LEWER SOWAT 16 KOEKIES

BEREIDING: 20 MIN.

RUS: 30 MIN.

GAARMAAK: 30 MIN.

PLAATKOEKIES

500 ml (2 k) koekmeel
10 ml (2 t) bakpoeier
5 ml (1 t) koeksoda
2,5 ml (½ t) sout
30 ml (2 e) suiker
500 ml (2 k) karringmelk of
amasi
2 eiers, geklits
5 ml (1 t) vanieljegeursel
’n bietjie olie, vir braai

DALGONAKOFFIEMOUSSE

15 ml (1 e) kitskoffie
15 ml (1 e) suiker
15 ml (1 e) kookwater

VIR VOORSIT

stroop of heuning (opsioneel)

1 Plaatkoekies Sif die meel, bakpoeier, koeksoda en sout in ’n mengbak. Voeg die suiker by en meng liggies deur. Klits die karringmelk of amasi, eiers en vanieljegeursel saam in ’n beker en giet dit by die meelmengsel. Klits tot goed gemeng en sonder klonte. Laat die beslag minstens 30 min. staan.

2 Verhit ’n bietjie olie in ’n kleefvrye pan, skep lepels vol van die mengsel in die pan en braai tot goudbruin aan albei kante en gaar. Herhaal tot al die beslag afgebak