Al hoe meer mense ly honger
TERW YL die regering ná meer as twee maande steeds hardnekkig vasklou aan die inperkingsreëls en al hoe meer mense verarm en honger ly, word dit toenemend duidelik hoe die nasionale regering misluk het om die bevolking by te staan.
In ’n ontstellende stuk wat prof. Jeremy Seekings, direkteur van die sentrum vir sosiale wetenskapsnavorsing by die Universiteit van Kaapstad, vir die publikasie GroundUp geskryf het, verduidelik hy hoe die regering tydens die inperking summier sy reuse-skoolvoedingsprogram beëindig het en daarmee 9 miljoen kinders van ’n daaglikse maaltyd ontneem het.
Geen nasionale plan was gereed om te verseker dat kos by
