Bemes moutgars só vir regte korrelstikstof
Die afgelope twee jaar het Wes-Kaapse boere gesukkel om moutgars met ’n laer persentasie korrelstikstof te verbou. Die leweringsdata van 2018 en 2019 wys die neiging ten opsigte van die persentasie korrelstikstof beweeg na die boonste limiet van wat aanvaarbaar is vir ABInBev, die koper van moutgars in Suid-Afrika.
Gars moet aan ABInBev se streng moutgarsspesifikasies voldoen om as moutgars in aanmerking te kom. Dié vereistes sluit in ’n goedgekeurde kultivar, kultivarsuiwerheid van 95%,
