BRIEWE

LEES LBW SÓ TYDENS INPERKING

Beste leser, ’n Mens kan min goeie dinge sê oor die Covid-19-wêreldpandemie, buiten dat Suid-Afrika en sy mense dalk nou opnuut sal besef wat die waarde van die landbou en boere is. Saam met die land se gesondheidsdienste, veiligheidspersoneel en ander nooddienste gaan Suid-Afrika se landbouers verseker dat genoeg kos beskikbaar sal wees om almal te voed in hierdie moeilike tye van angstige paniekkopers en ’n nasionale inperking van drie weke. Ons salueer almal van julle vir alles wat julle vir ons doen. Dit maak ’n mens trots om ’n Suid-Afrikaner te wees!

LANDBOUWEEKBLAD

In hierdie tyd waarin groot onsekerheid heers, wil Landbouweekblad sy lesers waarsku om fopnuus en valse bewerings asseblief tot elke prys te vermy. Ons wil lesers met die korrekte inligting oor alle ontwikkelinge en ’n nugter perspektief bedien.

Ons sal lesers dus deurgaans op ál ons mediaplatforms op die hoogte van sake