Bossiekop agter oond besorg Natal 1ste ‘Kerriekop’
Onder sy Natalse spanmaats was hy bekend as “Cabbage Patch Kid” vanweë sy destydse bossiekop, maar Craig Jamieson het hom in die annale van die destydse Natalse unie verewig met ’n heel ander “koppie”.
Onder hom as kaptein het Natal die “Kerriekoppie” ’n heel eerste keer gewen.
Dié prestasie het die voormalige skrumskakel en sy “Piesangboere” in 1990 behaal, in die provinsie se honderdste bestaansjaar.
30 jaar later is Jamieson (58) steeds aan die stuur van sake, letterlik sake.
Hy bedryf, vanuit Salt Rock aan die Dolfynkus van KwaZulu-Natal, CMJ Capital
