PREFEKTE: goed of sleg?
Vir baie kinders gaan hul graad 6-jaar met reusedruk gepaard om uit te staan, raakgesien te word en uiteindelik as leier gekies te word, of nié.
Die wat bo uitkom kry ’n titel, ’n balkie en selfs ’n kleurbaadjie. Die res is, wel, net nie goed genoeg nie. Of só glo baie kinders wat deur die proses stoei om uiteindelik net-net nie onder die topseuns of -meisies te eindig nie.
Kinders en ouers wat reeds hierdeur is, vertel van boesemvriendskappe wat sneuwel en kinders wat angstigheid en later depressie ontwikkel in afwagting van wat moontlik aan die einde van graad 6 kan gebeur.
In sommige laerskole is daar reeds met die tradisionele stelsel weggedoen en verskeie ander stelsels is geïmplementeer. Die meeste van hierdie stelsels poog om alle kinders ’n gelyke kans te gee om leierskapsvaardighede te ontwikkel. Kenners
