SAADJIES VAN HOOP
DIT lyk soos ’n kernarsenaal, ’n laboratorium uit ’n spioenstorie of ’n geheimsinnige ondergrondse wegkruipplek. En jy sou so iets nie hier verwag nie – hoë betonmure in een van die mees afgeleë dele van die wêreld waar rendiere wei en daar meer ysbere as mense is.
Maar agter die indrukwekkende deure van dié gebou op Spitsbergen, ’n eiland in die Arktiese Oseaan, skuil niks onheilspellends nie. Trouens, dit bewaar die saadjies van hoop vir die mensdom.
Miljoene sade word in die Svalbardsadekluis se ysige tonnels geberg: sade
