Brilpikkewyne se toekoms is duister

In 1920 was daar na raming 1 miljoen brilpikkewyn-broeipare aan die Suid-Afrikaanse kus. Teen 1956 het dit tot 141 000 broeipare gedaal. Luidens 2018 se amptelike sensus is daar slegs ’n kommerwekkende 15 000 broeipare oor. Dit is ’n afname van 60% in die afgelope 30 jaar. Daarom word die brilpikkewyn (Spheniscus demersus) nou as bedreig beskou. Indien die neiging voortduur, kan die spesie binne 20 jaar uitsterf, meen sommige navorsers.