Bou’n legkaarttafel
Zigi sê…
Ons het MDFbord, oftewel Supawood, gebruik om hierdie tafel te bou, want dis stewig, egalig en aansienlik goedkoper as soliede hout. Dit ís egter taamlik swaar en die groot stukke waarin dit verskaf word, is ongemaklik om te hanteer. Vra dus eerder jou houtverskaffer om dit vir jou volgens jou afmetings te sny. Ons het een bord van 2,7 x 1,8 m by Plaza Board Center gekoop (hulle het takke in Kaapstad, Bloemfontein, Gauteng en Noordwes), wat teen ’n geringe koste die stukke presies volgens ons afmetings gesaag het.
Kry alles reg
INKOPIELYS
• 1 stuk MDF-bord (dikte 22 mm) van 2,7 x 1,8 m, gesaag in die volgende stukke:
□ 1 stuk van 556 x 1 156 mm (werkblad)□ 2 stukke van 644 x 600 mm (2 stukke van die deksel)□ 2 stukke van 200 x 1 200 mm (lang sye van die tafelraam)□ 2 stukke van 200 x 556 mm (kort sye van die tafelraam)□ 4 stukke van 160 x 556 mm (buitewande vir die laaispore)□ 2 stukke van 500 x 419 mm (onderkante vir laaie)□ 4 stukke van 500 x 100 mm (sykante van laaie)□ 2 stukke van 375 x 100 mm (agterkante van laaie)□ 2 stukke van 505 x 150 mm (voorkante van laaie)
