PLOOI-PARADE
Vir nog skoonheidswenke deur Elsa Krüger, besoek haar blog, mooipraatjies.com.
REVOLUSIONÊRE VELVERNUWING
Herdermalisering (redermalisation in Engels) is ’n nuwe woord vir ’n prosedure wat deur drs. Reza Mia en Elfrieda Fourie van die Anti-Aging Art Medical Aestheticskliniek in Houghton, Johannesburg, na Suid-Afrika gebring is. Die werklik revolusionêre behandeling is die eerste keer in 2011 gebruik en was onlangs die onderwerp van ’n lesing by ’n internasionale konferensie oor teenveroudering.
WAT IS DIT?
Herdermalisering is ’n konsep in teenverouderingsmedisyne wat ’n spesiale inspuittegniek behels. ’n Kombinasie van hialuronsuur (HA) en natriumsuksinaat – die gepatenteerde formule Hyalual – word met naalde diep in die dermis neergelê om drie verouderingsmeganismes van die vel teë te werk:
1 Dehidrasie en die verlies aan volume weens die afnemende vlakke van HA in die vel, wat meer opsigtelike plooie en ander verouderingstekens meebring.
2 ’n Afname in metaboliese aktiwiteit, wat lei tot die stadiger regenerasie van kollageen en elastien in die vel en ’n gepaardgaande verlies aan fermheid en veerkragtigheid.
3 Die opbou van vrye radikale, wat ’n oneweredige velkleur en -tekstuur tot gevolg het omdat die selle en DNS beskadig is.
WAT GEBEUR?
Die dokter
