TROFEESKATTING

Plaaslike trofeejagters word meestal in die veld deur gidse (en soms deur beroepsjagters) vergesel, maar alhoewel eersgenoemde uitstekend in hul spoorsnyvermoëns mag wees, het hulle gewoonlik baie min waardering vir trofeekwaliteit en geen opleiding in trofeeskatting nie. Dit is dus vir die Suid-Afrikaanse trofeejagter belangrik dat hy of sy ’n grondige kennis van trofeeskatting het. Om trofeë met ’n redelike mate van akkuraatheid te kan skat, is geensins maklik nie, aangesien die potensiële trofeedier ver weg kan wees, gedeeltelik deur plantegroei of ander diere verberg kan word, rondbeweeg of slegs kortstondige aansigte van die horings (of tande) bied. Daarom is dit nuttig vir die jagter om vinnige metodes van