‘n Veldtoets met BALISTIX-KOEËLS
Ek het vroeg in Oktober 2019 twee pakkies 6.5mm Balistix HunTac RBTkoeëls van SA JAGTER/ HUNTER ontvang om te toets. Die 115gr-koeëls is netjies verpak en is met ’n lagie HBN (Hexagonal Boron Nitrate)- smeermiddel behandel. Alle Balistix-jagkoeëls is monometaal-holpuntkoeëls met ’n “rebated”-bootstert. Daar is dus ’n skouer waar die bootstert aan die einde van die skag begin. Die HunTac-reeks is ontwerp vir algemene jag en sogenaamde taktiese gebruik.
GEWEER EN TOERUSTING
Die koeëls is getoets in my 6.5 Creedmoor Howa 1500-geweer wat ’n dik loop het en toegerus is met ’n Leupold MK4 6.5-20x50-teleskoop. Behalwe vir ’n Timney-sneller en ’n tuisgemaakte wangstuk is die geweer standaard. Ek het ’n 10x42 Leica Geovid-verkyker/afstandmeter gebruik om wild te vind en afstande te bepaal.
Balistix het ’n gebruiksvriendelike webblad
