DIE MEES GEVREESDE MISDAAD
Jou huis is veronderstel om jou veilige hawe en privaat heiligdom te wees. ’n Knus kokon teen die aanslae van die buitewêreld. Dan word jou hele huis kaalgestroop terwyl jy winkel toe gaan. Of erger nog, jy word een aand wakker van geluide in jou huis …
Hoewel huisbraak (wanneer niemand tuis is nie) die algemeenste misdaad is wat in ons gewelddadige land voorkom, is huisrooftogte (wanneer die huisbewoners tuis is) die misdaad wat die meeste gevrees word. Veral op plase waar van ongekende, wrede metodes gebruik gemaak word.
Volgens syfers van Statistiek Suid-Afrika is altesame 1,3 miljoen voorvalle van huisbraak, wat 5,8% van huishoudings geaffekteer het, gedurende 2018/2019 aangemeld. Nagenoeg 48% van
