Marciel HELP BOERE VROU SOEK
Op 27 hou sy van haar liggaam. Régtig. Vir die eerste keer.
“En ek weet glad nie hoeveel ek weeg nie,” sê sy. Maar Marciel Hopkins, die nuwe aanbieder van Boer soek ’n vrou, ’n werklikheidsreeks op kykNET, het vrede daarmee.
Noudat haar lewe in balans is, spoel branders van geleenthede na haar kant. Sy doen modelwerk in New York, een van haar gunstelingstede, het ’n jaar gelede saam met haar kêrel ’n nuwe huis in Claremont gekoop, en sy droom daarvan om in ’n fliek te speel.
Marciel, tot onlangs een van Suid-Afrika se mees gesogte plusgroottemodelle, het al hoe meer ontspan oor haar liggaam en op dié manier al hoe meer gewig afgeskud. Dié 1,78 m-skoonheid het van ’n grootte 14 na ’n 12 verslank. En die plusgroottemark het nou van ’n grootte 14 na ’n 16 opgeskuif. “Ek is dus
