你身軀內 ê 水素，會叫做 水素 就是因為你會當 tī 水分子內底揣著伊。伊是 ùi 大霹靂 來--ê，是咱宇宙內底 上基本 ê 元素。你身軀內 ê 炭素，是 ùi 恆星內部 ê 核融合 反應產生出來--ê，酸素 嘛是按呢來--ê。你身軀內底大部份 ê 鐵，是足久以前、遙遠 ê 超新星 爆炸 產生--ê。珠寶內底 ê 黃金，有可能是 ùi 中子星相碰產生--ê。這个現象會發生 tī 短週期 ê gamma-光暴天體，抑是 重力波事件 內底。咱身軀內底 ê 磷 kah 銅，雖然才一屑屑仔爾爾，毋過 in 是 維持性命 足重要 ê 元素。這張週期表 ê 色彩，是用來標示 目前 咱 所知影 ê 元素，可能是 ùi 佗位 ê 核反應 生出來--ê。有一寡 元素，親像是 銅，到底是 tī 佗位進行 核反應 才生出來--ê？咱毋是蓋了解。所以這就一直是科學家觀測 kah 電腦模擬 ê 研究主題之一。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20230108/ 影像來源 kah 許可：Wikipedia: Cmglee 資料來源：Jennifer Johnson (OSU) 音樂：P!SCO - 鼎鼎 聲優：草莓大福 翻譯：An-Li Tsai (NCU) 原文：https://apod.nasa.gov/apod/ap230108.html Powered by Firstory Hosting