Sri Gommateshwar Stuti श्री गोम्म्टेश्वर स्तुति ★ विसट्ट कंदोट्ट दलाणुयारं, सुलोयणं चंद समाण तुण्डं

घोणाजियं चम्पय पुप्फसोहं, तं गोम्मटेसं पणमामि णिच्चं ॥१॥ अच्छाय- सच्छं जलकंत गंडं, आबाहु दोलंत सुकण्ण पासं

गइंद-सुण्डुज्जल बाहुदण्डं, तं गोम्मटेसं पणमामि णिच्चं ॥२॥ सुकण्ठ-सोहा जियदिव्व संखं, हिमालयुद्दाम विसाल कंध

सुपेक्ख णिज्जायल सुट्टुमज्झं, तं गोम्मटेसं पणमामि णिच्चं ॥३॥ विज्झाय लग्गे पविभासमाणं, सिहामणि सव्व-सुचेदियाणं तिलोय-संतोसय-पुण्णचंदं, तं गोम्मटेसं पणमामि णिच्चं ॥४॥ लया- समक्कंत-महासरीरं, भव्वावलीलद्ध सुकप्परुक्ख

देविंदविंदच्चिय पायपोम्मं, तं गोम्मटेसं पणमामि णिच्चं ॥५॥ दियंबरो जो ण भीइ जुत्तो, ण चांबरे सत्तमणो विसुद्धो

सप्पादि जंतुप्फुसदो ण कंपो, तं गोम्मटेसं पणमामि णिच्चं ॥६॥ आसां ण जो पोक्खदि सच्छदिट्ठी, सोक्खे ण वंछा हयदोसमूलं विराय भाव भरहे विसल्लं, तं गोम्मटेसं पणमामि णिच्चं ॥७॥ उपाहि मुत्तं धण-धाम-वज्जियं, सुसम्मजुत्तं मय-मोह-हारयं वस्सेय पज्जंतमुववास-जुत्तं, तं गोम्मटेसं पणमामि णिच्चं ॥८॥ ★