這寡流星是 ùi 佗位來 ê？按照天頂 ê 方位來看，應該是 ùi 雙生仔 座 來 ê。這就是是按怎 12 月 ê 流星會叫做 雙生仔座流星雨。因為流星雨攏是 ùi 仝一个輻射點來 ê，這个 輻射點 tī 雙生仔座 內底。毋閣 ùi 立體 ê 角度來看，這个無四常 ê 小行星 Phaethon 3200 噴出來 ê 沙塗粒，攏踅太陽 ê 軌道 leh 行。伊倚地球彼爿軌道拄仔好疊 tī 雙生仔座 ê 頭前。所以地球若是 行到這个軌道，流星屑仔 ê 輻射點 to̍h 會出現 tī 雙生仔座。這張相片是 2020 年 12 月 14 這暗翕 ê 雙生仔座流星雨。是 kā 200 外粒 足光 ê 流星 tī 天頂 行過 ê 光巡 疊做伙 ê。11 月上重要 ê 流星 雨是 獅仔座流星雨，下暗 kah 明仔暗會上濟。是講真不幸，今年 ê 流星會較暗，因為伊 上濟 ê 時陣是 tī 透早，而且閣拄著膨月，按呢會較歹 看著。毋閣，每一點鐘應該攏會看著幾若粒 較光 ê 獅仔座流星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211116/ 影像：Wang Jin 音樂：PiSCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap211116.html Powered by Firstory Hosting