地球 kah 月球真罕得出現 tī 仝一張相片內底。這个上壯觀 ê 景色是差不多 tī 30 年前，彼陣欲去木星 ê 加利略太空船 拄飛過咱 ê 行星系統。這是 加利略機器人 太空船 ùi 15 倍 地球到月球 距離遠 ê 所在，看 咱 ê 月球 趨過咱 ê 地球。這支影片 是 kā 52 張 加強色彩 ê 歷史影像 疊做一張 ê。雖罔然講咱 ê 月球 tī 地球 邊仔 看起來足細粒 ê，毋閣太陽系內底無其他行星 有 相對 遮爾 大粒 ê 衛星 。太陽 tī 正爿足遠 ê 所在，kā 地球 kah 月球 ê 半爿照予光，嘛看會著會自轉 ê 地球面頂有 白色 ê 雲、藍色 ê 海洋、kah 咖啡色 ê 大陸。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20210905/ 影像提供：NASA, JPL, Galileo Project 影像處理 kah 版權：Gordan Ugarkovic 音樂：PiSCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap210905.html Powered by Firstory Hosting