Sa Sardìnnia in s'Edadi pùnica: de su de VI a su de III sèculus i.C.

By Nicola Dessì and Antonello Angheleddu

A ingìriu de su de IX sèculus i.C., in sa Tunisia de oi, in su cabu
de susu de s’Àfrica, fiat nàscia sa tzitadi de Cartàgini.
A sa fundada de issa iant fatu parti paricis pòpulus
e est capassu ca ddui fessint is Sardus puru in mesu.
De intzandus sa cultura sua est bènnia a essi sa prus potenti
e sa prus de importu de totu su Mediterràniu de manca e
at tocau fintzas sa Sardìnnia, ca fiat acanta sua.
Spaciau su tempus de is nuraxis, in s’ìsula nosta puru
màssimu in sa costa, a ingìriu de su de VI sèculus i.C. fiant
nàscias e crèscias tzitadis mannas e arricas, a tipu Kàraly,
Sulky, Tharros, Nora, Bìthia e atras puru.
In custus logus nd’iant strantaxau finas tèmpius, murallas,
domus, portus e necròpolis (a tipu Tuvixeddu) aundi aintru
de is tumbas, su prus de is bortas arricas e mudadas,
ddui poniant su furnimentu de su mortu prus pretziau
chi oi podeus amirai in is museus archiològicus nostus.

• Language: Sardinian
• Publisher: Condaghes
• Release date: Feb 17, 2024
• ISBN: 9788873567615

Book preview

plancia-eta-punica-SRD-2.jpg

Sa Sardìnnia in s’Edadi pùnica

de su de VI a su de III sèculus i.C.

testos de Nicola Dessì

illustratziones de Antonello Angheleddu

Tavola_30_la_stele_di_Nora

Condaghes

Ìnditze

Scala cronològica

Presentada

Sterrina

Totu est incumentzau candu ant fundau a Cartàgini...

Ita at a cambiai cunforma a su passau nuraxesu?

Fenìcius, Cartaginesus, Pùnicus... cumenti faeus a ddus scerai?

Is tzitadis

Is domus

Sa religioni

Is tèmpius

Su mundu de is interrus

Su tophet

S’economia e su cumèrciu

Sa muneda

Su mundu de is sordaus e is armas

Sa cosa de papai

Is bistiris e sa moda

Sa mùsica e sa dantza

Is profumus

S’arti

Sa lìngua

Sa scridura

Is logus de su lìburu

Su scriidori

Su disinniadori

scala cronologica DAL NURAGICO AL PERIODO ROMANO

Presentada

Saludi piciocus!

A mei mi nant Tessa e mancai sia nàscia in Sardìnnia mi seu pesada in Tuscana (su logu anca biviant is Etruscus de s’antigòriu) e oindii seu bivendi in Milanu.

Che a is Sardus de s’antigòriu chi iant bìviu in s’Edadi pùnica, giru meda peri su Mundu ma is acàpius mius cun custa terra no ddus apu lassaus mai, ca unus cantu mesis a s’annu bivu in s’ìsula de Sant’Antiogu, aundi unu tempus ddui fiat sa tzitadi de Sulky!

Innoi