Аўтакамунікацы... Я

By Кацярына Массэ

“Аўтакамунікацы... Я” – першы беларускамоўны зборнік вершаў Кацярыны Массэ. У ім маладая паэтка толькі ёй уласьцівымі паэтычнымі сродкамі спрабуе данесьці да чытача тое, “што ня можа быць сказана...”.

• Language: English
• Publisher: kniharnia.by
• Release date: Dec 28, 2015
• ISBN: 9789859037191

Book preview

форма ёсьць сваім жа найглыбейшым зьместам

мая рэлігія

Ты быў нічым, аднак, усім поўны,

Ты выплеснуў зьмест,

каб стаць формай.

Божа,

Ты даў нам пачуцьцё прыгожага,

каб мы пілі Цябе з калодзежа

прыроды і мастацтва,

каб звар'яцелі ў геданічным танцы!

Ты спарадзіў пачварства –

для супрацьвагі і кантрасту.

калі тану ў харастве і пекнаце –

Ты ўва мне: ў маіх цягліцах, ступаках і жываце…

насупар разумоваму пратэсту

аднойчы зразумела сэрца,

што форма і ёсьць сваім жа

найглыбейшым зьместам.

даруйце, іншаверцы,

тэолягі і скептыкі –

мая рэлігія – гэта эстэтыка!

***

ня стаў вазу на сярэдзіну стала –

ня стаў стыхіі ў супрацьфазу.

сымэтрыя як эманацыя

нуля

асуджвае адлюстраваньні

на вокамгненную анігіляцыю.

ураўнаваньне

чашаў шаляў

вядзе да іх паралізацыі.

вось толькі нам заўжды казалі,

нібыта ў жыцьці заведзена

шукаць ува ўсім

залатую сярэдзіну:

зьмяшчаць нацюрморты ў цэнтрах карцін,

ламаць напалам печыва…

аднак пратэстуе пан Бог –

бо ён наразае сусьветны пірог

нажом залатога сечыва.

што сымэтрычна,

тое статычна.

каб рушыць,

варта парушыць

сваю раўнавагу

лёгкім штуршком перавагі.

бо рух – гэта пандус:

ня трэба ніякіх сіл –

патрэбен маленькі нахіл,

хаця