DIE meeste mense het dit nie verwag nie – hulle het net skielik ’n nuwe kontak op hul Whats- App-skerm gesien. En wanneer hulle daarop druk, ontdek hulle ’n nuwe wêreld.
Die kontak is Meta AI, jou eie kletsbot van Meta – Mark Zuckerberg se tegnologie-bondel wat WhatsApp, Facebook, Instagram en Messenger insluit.
Die maatskappy het in Februarie verlede jaar die eerste keer toetsfunksies van Meta AI en ander AI-instrumente aangekondig, en die AI-kletsbot is aan gebruikers van Meta se produkte uitgereik.
WhatsApp, wat deur sowat 3 miljard mense wêreldwyd gebruik word, het nou begin om Meta AI vir gebruikers in Indië en sommige Afrikalande uit te rol, insluitend Suid-Afrika.
