NuusAktueel Sojabone
OP ’n vergadering van die sojaboonwerkgroep tydens Graan SA se kongres is ’n debat oor die tegnologieheffing op die spits gedryf, en eindelik is ooreengekom dat daar gevra word vir ’n heffing wat vir drie jaar geld, dat dit bereken word op ’n vyfjaar- bewegende gemiddelde en dat saadmaatskappye hul teenprestasie moet uitspel.
Die heffing word voortaan dus bereken as 1,2% van die gemiddelde prys oor die afgelope vyf bemarkingsjare. Dit sal die groot jaarlikse spronge in die heffing se styging of daling meer gelykmatig maak.
Aanvanklik is ’n voorstel bespreek dat daar net om ’n heffing wat vir een jaar geld, aansoek gedoen moet word om meer druk op saadmaatskappye te plaas, maar dit sou nie prakties wees nie. Saadmaatskappye het gesê hulle het tyd nodig om kiemplasma vir die onderskeie streke
