Baie van ons bewonder die tuine van rykes en beroemdes, maar min gee ‘n gedagte aan die hande wat daai tuine so gemanikuur en gesond hou. Dis waar iemand soos die eko-entrepreneur Bradford Bartman (43) inkom.
Nie net is hy ‘n gekwalifiseerde horticulturalist (tuinboukundige) en landscaper (tuinargitek) nie, maar dié sakeman kan ook spog dat hy oor langer as 21 jaar al vir oudpres. Thabo Mbeki destyds by sy ampswoning in Kaapstad, Tuynhuys, en vir die bekende plantverhuurder Bidvest ExecuFlora – en ‘n string ander maatskappye – tuinuitleg en tuinwerk gedoen het.
Daar's selfs ‘n natuurreservaat, ‘n Astron Energy-vulstasie, bekende wynlandgoede en hotelle wat pryk as kliënte op Bradford se CV. Hy het ook vir die Stad Kaapstad en Wes-Kaapse regering konsultasiewerk gedoen oor verfraaiing en beplanning.
Sy bloed is al van kleins af groen. Albei
