Meganisasie
Die maatskappy Rovic Leers het onlangs sy nuwe Syncroseed-planter vir kleingrane bekend gestel. Dié planter is ’n verbetering op die vorigegeslag-Syncroseed-planters wat die ou Rovic Voorplanter vervang het.
Daar is reeds ’n prototipe van die planter wat ’n volle seisoen gewerk het. Heelwat boere in die Wes-Kaap gaan in die komende saaityd hul nuwe planters inspan.
Wat kan boere van die nuwe planter verwag? Wouter Roux, produksiebestuurder by Rovic Leers in Blackheath, Kaapstad, het Landbouweekblad se vrae beantwoord.
Wat is nuut aan die planter?
Die planters word nou met plastiektenks toegerus. Dit is ligter as die ou staaltenks wat ons in die verlede gebruik het. Dit maak dit makliker om met die vloeistowwe en droë produkte te werk wat boere wil saamkarwei vir toediening tydens
