SLIMMIGHEDE en planne om so min as moontlik belasting te betaal, of selfs glad nie, is al so oud soos die berge. Verskeie skuiwergate kan binne die wet gebruik word om minder of geen belasting te betaal, maar daar is gevalle, soos met belasting op toegevoegde waarde (BTW), waar belastingbetalers wetend of onwetend die wet oortree.
In die lewendehawebedryf is daar ook praktyke wat ingespan word om die 15%-BTW-koers tot onwettige voordeel te gebruik, byvoorbeeld met die verkoop van vee as voer, en uitmaak van fakture.
Die meeste Suid-Afrikaanse veeboere is vir BTW geregistreer, maar dit is nie verpligtend nie. Die keuse om nie geregistreer te wees nie, maak die wanpraktyke met BTW moontlik. Jy moet jou besigheid vir BTW registreer indien die totale waarde van belasbare goedere of dienste meer as R1 miljoen oor ’n tydperk van 12 maande is, of na verwagting hierdie bedrag sal oorskry.
’n Besigheid kan ook vrywillig registreer as die inkomste wat in die afgelope 12 maande verdien is, R50 000 oorskry het.
Die hantering van BTW in die veebedryf is veronderstel om taamlik eenvoudig te wees, verduidelik prof. Johan